Sagastia
Bilketa garai erdialdean jaso beharreko sagarra, ori-orlegi eta gorri kolorekoa. Kuriositate moduan, heldutasuna begiratzeko almidoi froga onartzen ez duen sagar barietate bakarra da.
Mikatza
Izenak argi adierazten digu bere ezaugarri nagusia, sagar mikatza, gure sagastian oso kopuru txikian dagoen barietatea.
Moko
Sagastiko zuhaitz handienetatik sagar txiki-ertain gorri ugari eskaintzen dizkigu urtero. Mikaztasun eta garraztasun nabarmena duen bariedadea da.
Mozolua
Sagar honekin ematen diogu hasiera bilketa garaiari, mikatza da eta kolore gorrixka ematen dio sagardoari.
Narbarte gorria
Nafarroako Narbarte herritik berreskuratutako sagarra, zuhaitz emankorra eta sagar gorri kolore disdiratsua emanten duena, adarrean kolpaturik ikusiko ditugu gereziak balira bezela.
Txalaka
Garratza eta mikatzaren arteko oreka duen sagarra, sagar sendoa eta gogorra, dirudienez Astigarragako Txalaka baserritik datorkio izena.
Urtebi handi
Zuhaitz handietatik, sagar handiak. Ale ikaragarriak eman ditzake, beraz oso mirestua da, bai bilketarako baita sagardotarako ere.
Urtebi txiki
Garratza eta mikatza aldi berean, sagardo argiak ematen dizkigu, zuhaitz enborraren inguruan ikusiko ditugu Urtebi txikiak.
Sagar aukeraketarik
onena ekologikoan
2008an proiektu berri bati ekin genion: hautatutako barietate autoktonoen berezko landaketa bat sortzea, Nafarroako iparraldean, klima atlantiko nabarmenarekin eta historikoki sagardogintzari lotua egon den eremua. Gaur egun sagasti profesional bat daukagu ekologikoan, 15 hektarea Mendaur mendi magalean, eta handik sagar onenak bil ditzakegu gure sagardo ekologikoa egiteko.
